ياعين يانشادة

ياعين يا نشاده
ادموعك على الأعزاز تمن عادة
تبكي عليهم يانا
لاهنتي ولا هانوا أسباب غلانا
غير الوقت دار الهجر وطال ابعاده
تبكي ديمه
جرح الغلاء عندك تمادا ضيمه
وأنتي بروحك دايره نكّاده
امغير تعاني
من لوعتك في ذكرته شقاني
كثّر اسهوري وفكها الوساده
اللوع ايزيده
عمر الوفي مايوم يترك ريده
وانتي تركتي الود ياشراده
امغير اتنين
يا قلب في سبة افعال العين
علي افراقهم محكوم بالأباده
لا اتقول ليش
ياعين يا نشاده
أدموعك علي الأعزاز تمن عاده
ياعين راك خطيه
درتي العيبه في ابعادك ليه
من حب قلبي بنت غريانية
حلوه جميلة ناعمه وداده
لها اسم معروفه لها بيتية
لها خلق وادب ودينها وزياده
لها ناس معروفين اطياب النيه
ناس صبايين في الميعاده
ابكي وديري نوح ياكحلية
ماينفع ابكاك ودمعتك منزاده
مادرتي الحق امغير شماته فيه
زدتي لزولي عزوته حساده
حرمتي ارويحك من الناير ضيه
وحرمتيه قلبي من اينول مراده
ادموعك علي الأعزاز تمن عاده
يا عين يا نشاده
منقول : منتدي قبيلة الصيعان